Abstimmungen  

 

   

Kooperationen  

Webliste Schweiz
   
   

Newsletter  

   

Ämmitaler Saagen

„Im Wyttebachgässli luege im Pfoschte vor der Zwüschetüüre ir Schrube es paar kommischi Häärli use.

We me de neecher luegt, gseet me dee, dass da irgendeine e Zapfe het i Pfoschte gschlage u drzue äs paar Büscheli Haar, wahrschinlech vom me ne Ross, iiklemt het.

Ne nei, nid dass da eine e usegheitnige Ascht het gflickt, wäger nid. Das isch e banisierte Geischt! Scho mi Grossunggle het üs als chlyni Chnöpf dä Zouberzapfe zeigt, aber wär da drin isch gsii, da het är o nid gwüsst.

Wo ni du einisch d Chorgrichtsmanual vor Chile Louperschwil ha verläse, hani du oppis funge: 1693 het nämlich der Pfarrer igschribe, dass dr Thys, „Hädermoosthys“ hei nim d Lüt gseit, sich im Tenn hinger heig ufgheicht. Dennzumal hets gheisse, dass eine wo sech sälber tüeg ufhäiche, grad diräkt bim Tüüfel müess dinge.

De sigs aber äbe vorchoo, dass so ne armi Seel het müesse umegeischtere. So wird’s ömel o am Hädermoosthy gange sii.

Wie me so eine het bannet, weiss der Soder z prichte: Da syg e faahrende Scholar, hüt würd me Stüdänt säge, verbiichoo u heig die Sach gschouet.

Ar heig die armi Seel ines Loch iche bannet. I däm Loch müess e Zettel sy mit de Aafangswort vom Johannesevangelium, dert wos heisst „Am aafang isch ds Wort gsii u ds Wort isch by Gott gsii…“, dir wüsset ja wies wytergeit.

Äs chliises Gütterli mit ere Flüssigkeit, wo nume är wüss, was es syg, het o no iche müesse.

Chuum het är dr Geischt im Loch ghaa, het ä e Zapfe gnoo, het ne gsägnet u de dermit das Loch zuetaa. So lang niemer dä Zapfe usenimmt cha nüt me passiere!“

weitere Informationen

Quelle: Erzählung von Hans Minder, aus „Ämmitaler Saage“, in M. Sooder: Sagen aus Rohrbach, 1928, Siehe auch diverse Emmentaler Geschichten und „Exorzismus“, Seite 185.

 

Melden Sie sich an um einen Kommentar zu schreiben.

   

Ge|zwit|scher  

   
© 2014-2017 schweizinfo